MIKUSANYIKO YA KIDINI NA MIHADHARA NCHINI KENYA, NA HOJA KINZANI.

HII NI MOJA YA MIKUSANYIKO YA WATU KUSIKILIZA NENO LA MUNGU.

Polisi wa Kenya na viongozi wa dini wanashirikiana kuzuia kuenea kwa itikadi za imani kali katika mikusanyiko ya umma inayoandaliwa na wahubiri wa Kikristo na Kiislamu.

Katika mikusanyiko hiyo, ambayo ni ya kawaida kando ya mitaa na katika masoko ya wazi nchini Kenya, wahubiri wanalenga kuwaelimisha wafuasi wao na kuwabadili dini watu wa imani nyingine. Mikusanyiko ya Wakristo inajulikana nchini kama "crusades" wakati mikusanyiko ya Waislamu inajulikana kama "muhadara".

Lakini hivi karibuni, mikusanyiko kama hiyo imekuwa chanzo cha hamaki na hotuba za uchochezi ambazo zimechokoza mivutano ya madhehebu.

Ingawa uhuru wa kujumuika, kuabudu na kukusanyika umewekwa katika katiba ya Kenya, Inspekta Jenerali wa Polisi David Kimaiyo alisema kwamba baadhi ya mikusanyiko inaweza kuchochea kiurahisi mvutano na vurugu za kidini.

"Tunao waumini wenye imani kali kutoka katika Ukristo, Uislamu na hata katika Uhindi ambao wanaweza kujibu kwa vurugu kama wataona kwamba dini yao inashambuliwa," aliiambia mtandao huu.

"Hatuna tatizo lolote na wakusanyikaji katika mikusanyiko hiyo kwa kuwa wanajaribu kueneza dini yao na katika hatua hiyo wanapata roho chache zinazobadili dini kuingia katika dini yao," Kimaiyo alisema. "Lakini katika wakati ambayo nchi iko katika uchungu wa mashanbulizi ya al-Shabaab, tuna wasiwasi kwamba baadhi ya mikusanyiko inaweza kusaidia tu kuchochea uhasama wa kidini."

'Hali tete ya usalama' hatarini.

"Kitu tunachowaomba tu kutoka kwa wanaokutana katika mikusanyiko hiyo ni kuzingatia hali tete ya usalama wa nchi na kuepuka kutovumiliana dhidi ya dini nyingine," alisema.

Baadhi ya viongozi wa mikusanyiko hiyo huko Nairobi, Garissa, Wajir na Mombasa wako katika uchunguzi wa polisi ili kufuatilia hotuba zao na sheria, Kimayo alisema. "Tumezungumza na wakusanyikaji kadhaa kutoka katika imani zote mbili na wamekubali kupunguza," alisema.

Kama umoja, amani na utulivu vinatishiwa, Kimaiyo alisema, polisi itapiga marufuku mikusanyiko yote ya dini, maandiko, hotuba na vitu vingine vinavyoonekana kuleta uchochezi.

Upigaji marufuku wa kudumu wa mikusanyiko hiyo tayari umeshafanyika katika Kaunti ya Mombasa kufuatia msururu wa matukio ya vurugu yaliyochochewa na mauaji ya wahubiri wa dini.

Kaimu Kamanda wa kaunti ya Mombasa Tom Okoth aliiambia Sabahi kaunti iliweka marufuku hiyo tarehe 4 Februari baada ya uchunguzi kugundua kwamba mikusanyiko inaweza kuleta vita ya kidini na kuchochea vurugu. Wafuasi wa mikusanyiko wana tabia ya kubeza imani ya wengine na kuchukuliana kama mahasimu, alisema.

"Kipekee tunataka [kuzuia] hao watu wanaojadili Biblia na Korani," Okoth alisema, akiongeza kwamba mikusanyiko ya kisiasa na kidini imezuiwa pia kwa sababu inalengwa kiurahisi na magaidi.

"Hakuna ajenda mbaya katika kuzuia mikusanyiko hiyo ya barabarani na mitaani. Ni suala la usalama tu na tunawataka viongozi wa dini kutii na kushirikiana nasi hadi tutakapokabiliana kikamilifu na vitisho vya usalama," alisema.

Kuendeleza umoja wa kidini sio suala muhimu hapa!

Adan Wachu, katibu mkuu wa Baraza Kuu la Waislamu la Kenya (SUPKEM), alitahadharisha kwamba serikali isionekane kupendelea dini fulani katika uzuiaji huo.

"Muhadhara imekuwepo kwa miongo kadhaa na idadi kubwa ya watu wanaofika kutoka imani zote mbili imethibitisha [kupata] kwake umaarufu," alisema.

"Hatuwezi kuamua kabisa kwamba baadhi ya wahubiri wa mitaani wana kazi tofauti, lakini kwa ujumla mikusanyiko, ambayo kwa kawaida inaanza alasiri, inatafuta hasa waumini wapya katika Uislamu na kuwaimarisha wale walio katika dini hiyo," alisema.

Wachu alisema SUPKEM imefanya mikutano na wale wanaofika katika mikusanyiko na kuwaomba kupunguza kebehi zao na kuwa wavumilivu na kujali dini nyingine.

"Wanapaswa wasionekane kuwa wanapinga Ukristo. Mikusanyiko ina vipindi vya maswali, majibu na mijadala," alisema. "Vinafanyika kwa uwazi, na polisi inayotoa vibali vya mikusanyiko wako huru kuhudhuria na kuingia kukamata kama [wahubiri] wanaenda kinyume na mahubiri yao."

Mchungaji Canon Peter Karanja, katibu mkuu wa Baraza la Taifa la Makanisa ya Kenya (NCCK), alisema wahubiri wa Kikristo watafuata maombi ya serikali.

"Katika kila dini ukiwemo Ukristo (wakati wote kuna) watu wachache ambao wanafurahia mawazo ya kuogofya. Wakati makanisa na viongozi wa Kikristo wanajitegemea, tunajitahidi kadri [aiwezekanavyo] kuomba uvumilivu," .

Hata hivyo, Karanja alisema serikali inapaswa kutoa ulinzi wakati wa mikusanyiko ya kidini badala ya kuipiga marufuku.

"Kadri kulivyo na vitisho vya usalama, kuna haja ya kueneza injili. Tunafikiri serikali inapaswa kutoa ulinzi wakati wa mikusanyiko ya kidini badala ya kuipiga marufuku," alisema.

Karanja alisema NCCK pia imewaomba waumini wa makanisa kupunguza mtindo kudharau dini nyingine wakati wa ibada.

"Sio katika mikutano ya Kikristo tu ambako mahubiri yanaweza kuonekana ya uchochezi. Hata ndani ya makanisa, hususan Jumapili, yanaweza kuwa majukwaa ya kuchochea kutokuwa na uvumilivu wa kidini," alisema. "Tumewaomba viongozi wa dini kutumia nafasi zao kuhimiza upendo, kusamehe, umoja na maendeleo miongoni mwa waumini wa Wakristo."

Je Nini kauli ya umma kuhusu hili?

Suleiman Bilal Hassan, mwenye umri wa miaka 35 na meneja wa kituo cha intaneti katika mtaa wa Eastleigh wa Nairobi, alisema kuwa mihadhara hiyo ilikuwa imekusudiwa kuwajulisha watu kuhusu mafundisho ya Kiislamu, lakini kuna baadhi wa wahubiri ambao wamekuwa wakilitumia vibaya jukwaa hilo.

"Wahuburi wa kweli wanapaswa kutoa tu mafundisho ya Kiislamu, lakini serikali inapaswa kuwakandamiza wahubiri waongo wanaokusudia kusababisha uadui miongoni mwa waumini tofauti," aliiuambia mtandao"Baadhi ya wahubiri hao hawaaminiki na ni waenezaji chuki."

Waandaaji wa mihadhara lazima wawe na leseni za mahubiri kuthibitishwa na wakuu wa dini kabla ya kutolewa kwa umma, alisema.

Hata hivyo, alisema, serikali inapaswa kuendelea na tahadhari "hasa ​​wakati huu ambapo idadi kubwa ya jamii ya Waislamu inahisi kulengwa na serikali katika vita dhidi ya ugaidi".

Anita Achieng mwenye umri wa miaka 23 na mwanafunzi wa biashara katika Chuo Kikuu cha Nairobi, alisema kuwa viongozi wa dini wanapaswa kuchukua dhima kwa ujumbe wao wanautoa kwa umma.

"Baadhi ya ujumbe unakaribia kuwa ukafiri na serikali inapaswa kuchukua hatua ili kudumisha umoja wa wananchi," aliiambia Sabahi.

"Wahubiri lazima wazingatie maneno yao hasa wakati wakihutubia umma. Kama kauli za wahubiri katika mahubiri zinachochea vurugu mahali pengine, wanapaswa kuwajibishwa na polisi lazima wakamate na kuwashtaki kwa uchochezi," alisema.

 

Habari hii nikwa msaada wa Mtandao wa Sabahi.com