Mkuu wa mkoa wa Mwanza Mhandisi Evarist Ndikilo amewataka
watendaji katika mkoa wa Mwanza kuhakikisha watoto wote waliofaulu darasa la
saba katika Mkoa wa Mwanza, wanajiunga kidato cha kwanza katika kipindi cha
wiki moja kuanzia hivi sasa, huku akiwanya wanaoshindwa kusambaza dawa za
wadudu wa pamba kwa wakati.
Kauli hiyo ameitoa wakati wa ziara yake katika Wilaya ya Kwimba,
kufuatia Shule moja wilayani humo kuwa na wanafunzi wanne (4) tu, miongoni mwa
127 waliopaswa kuijiunga kidato cha kwanza mwaka huu wa 2014 katika Shule ya
Sekondari Walla.
 |
| Kutoka kushoto ni Mayala Simon, Ndaki Mussa, Yasinta Zingula na Rebecca George. |
Kwa mujibu habari ambazo mtandao huu umezipata, taarifa hiyo ya
kutoripoti kwa wanafunzi zilipatikana mara baada ya Mkuu huyo wa Mkoa kufika
katika shule hiyo kwa ajili ya kukagua mradi wa Solla unaotekelezwa kwa fedha
za Serikali kiasi cha shilingi Milioni 359,299,750/=.
Habari zilisema wakati mkuu huyo wa Mkoa akiwa katika
matayarisho yakuanza safari ya kuondoka katika eneo hilo ndipo alipofahamishwa
kuwa Miongoni mwa watoto waliopaswa kujiunga katika shule hiyo ya Walla ni wanafunzi
wane tu ndio walioripoti, ambao hata mtandao huu ulibahatika kupata picha ya
watoto hao.
Akioneshwa kukerwa na tabia hiyo Ndikilo alisema, “Ndugu zagu
kwa mtaji huu wa kuwaweka watoto nyumbani ni ishara kwamba itakuwa vigumu sana
kulikomboa Taifa na ujinga”, alisema na kuongeza kwamba hata suala la imani za
kishirikina haziwezi kuisha kama hatutaki watoto wetu waende shule na
kuelimika.
Aliongeza kuwa ni lazima wazazi wafikirie zaidi kuwarithisha
watoto wao Elimu na sio Ardhi wala fedha, kwani kufanya hivyo ni sawa na
kuwaangamiza badala ya kuwaokoa “Kwa hiyo ndugu zangu lazima.. lazima!! Tuone umuhimu
wa kuwapa watoto wetu Elimu badala ya kufikiria kuwarithisha mashamba kwakuwa
mwisho wa siku watayauza, kama ni pesa watazila zitakwisha lakini unapo wekeza
katika ubongo wa mtoto ni ukweli kwamba,
utakuwa umemsaidia……! “lakini pia wewe kama mzazi utaweza kupata Kilo ya sukari
kama msaada kutoka kwa mtoto wako”.
Takwimu Wilayani humo zinaonesha miongoni mwa watoto 13,286
walio andikishwa darasa la kwanza mwaka 2007 ni watoto 7547 ndio waliofanya
mtihani wadarasa la saba mwaka 2013 huku watoto 5739 waliacha shule kwa sababu
mbali mbali zikiwamo mimba na utoro na kuifanya Wilaya hiyo kushika nafasi ya
sita katika Mkoa wa Mwanza kwa kupata ufaulu wa asilimia 52.
Katika hatua nyingine Mkuu huyo wa mkoa ametumia ziara hiyo,
kuwahimiza watoa huduma wa ugani kuhakikisha wakulima wanapatiwa dawa za
kunyunyuzia kwenye mashamba ya Pamba ili kuwaepusha wakulima kupata hasara.
Alisema hayo wakati alipokuwa akikagua shamba la Pamba la bwana
Shija Kanga na bi Christina Makula katika kijiji cha Kilyaboya Wilayani humo. “Kabla
sijaonndoka nipate taarifa ya wakulima hawa ambao wametuimia nguvu zao nyingi
katika kilimo na sasa nguvu hizo zinataka kuachwa wapate hasara kwa sababu ya
dawa za Pamba” alisema Ndikilo.
Mkuu huyo wa mkoa wa Mwanza yupo Wilayani humo kwa ziara ya siku
mbili katika kukagua shughuli mbali mbali za maendeleo, kufanya mikutano ya
hadhara na kusikilza kero zinazo wakabili.
Katika siku yake ya kwanza Wilayani humo, alipokea taarifa ya
Wilaya, kukagua shamba la Pamba Kilyaboya, Kukagua mradi wa umeme wa Jua,
kukagua mradi wa Maji chini ya mpango wa BRN na kuweka jiwe la msingi pamoja na
kufanya mkutano wa hadhara ambapo alijibu kero mbali mbali za wananchi na
kuahidi kuzitafutia ufumbuzi zile zilizo hitaji majibu ya kina.
Katika siku yake ya pili Wilayani humo Mkuu huyo wa mkoa anatazamiwa,
kuweka jiwe la msingi katika chumba cha wagonjwa mahututi katika Hospitali ya
Wilaya, kukagua mashamba ya Mpunga ya Mahiga na kukagua mradi wa Kilimo cha
umwagiliaji katika Mradi wa Mahiga, kukagua mradi wa maji kutoka ziwa Viktoria,
nyumba ya Mwalimu, vyoo vya walimu na kuweka jiwe la msingi katika shule ya
Sekondari Bupamwa na kisha kukagua mradi wa Zahanati Hungumalwa na kisha
kufanya mkutano wa hadhara na majumuisho kabla ya kurejea jijini Mwanza.
Post A Comment: