MCHUNGAJI WA KANISA LA KKKT. ADAIWA KUBAKA

Apewa dhamana kutokana na kujuana na Polisi.

Kamanda wa Polisi Mkoa wa Mwaza Valentino Mlowola.

MWALIMU  wa   kujitegemea   ambaye  pia  aliwahi    kuwa  Mchungaji  wa  Kanisa  la Kiinjili  la Kilutheri  Tanzania(KKKT) mkaoni  hapa , Nicodemus  Mhana ( umri  wa zaidi  ya miaka 50) anakabiliwa na kashfa  ya kubaka  mwanafunzi  wa  darasa  la 4(jina lake  pamoja  na jina  la shule  anakosoma  vinahifadhiwa).

Habari   zilizothibitishwa  Jeshi  la Polisi  pamoja  na mwenyekiti  wa   Serikali  ya Mtaa  wa Msumbiji  katika  Kata  ya Pasiansi  Wilayani  Ilemela,  Fortunatus  Cheneko, zinasema Mhana  anadaiwa kutenda  unyama  huo  Machi 4  mwaka huu.

Hata  hivyo, inadaiwa kuwa  mtuhumiwa   huyo alikamatwa   Machi 19 mwaka huu  na  Polisi   katika  kituo kikuu cha  Wilaya  ya  Ilemela  (Kituo  cha  Polisi  Kirumba), siku chache  baada  ya baba  mzazi  wa mwanafunzi  huyo  kutoa  taarifa  ingawa pia  alipewa  dhamana  siku  hiyo  hiyo  kwa  madai  kuwa ana undugu   wa karibu  na   maofisa  kadhaa  wa  Jeshi  la Polisi.

Kwa   mujibu  wa   habari, Mhana    alifanya  ubakaji  huo  wakati   akiwa na mwanafunzi  huyo  katika  kituo  chake  cha masomo  ya ziada  kilichoko   katika  mtaa  wa Msumbiji.

Inadaiwa   kwamba   Mhana  ambaye   mara  kadhaa  amekuwa     akilalamikiwa  na baadhi  ya wananchi   wa Mtaa  wa Msumbiji   kutokana  na tabia  yake  ya  kupenda  kurubuni  watoto (wa kike)  wadogo  kwa nia  ya kufanya nao mapenzi, alivuliwa  Uchungaji  miaka  kadhaa  iliyopita  kutokana  na  kukiuka  taratibu  pamoja  na maadali  ya kanisa .

 “  Cha   kushangaza  ni  kwamba  mtuhumiwa  alipewa dhamana  siku  hiyo hiyo. Inagwa yeye(mtuhumiwa )  huku  uraiani   anatamba  kuwa   hawezi  kufikishwa mahakamani  kwa sababu  ana  ndugu  zake   wa karibu  katika  jeshi  la Polisi  ambao  ni wamezaliwa  katika  mkoa  wa  Singida” alidai baba  mzazi  wa mtoto  huyo, Fredrick Mariba,  wakati   alipoulizwa  na  JAMHURI , jana.

Anadai  kuwa  alichelewa   kubaini  kuwa mwanaye   huyo  mwenye umri  wa  miaka  11 amebakwa   kwa sababu  baada  ya  kufanyiwa unyama  huyo  mtoto  huyo  hakuweza   taarifa kwa  wazazi  labda  kwa kuogopa  kuadhibiwa , hadi  alipohojiwa  na mama  yake   wa kambo   pamoja  na bibi  yake kutokana  na kulalamika maumivu  hasa anapokwenda  kujisaidia  chooni.

“ Ilibainika  siku moja   baada  yab kwenda  kujisaidia  chooni   ambapo   alisikika   akilia. Na  ndipo  bibi  yake   alipomuuliza    na kisha   akamkagua   sehemu  za  siri  na kubaini  kuwepo   kwa michubuko”   alisema  na kuongeza  kuwa baada  ya kuhojiwa kwa kina mtoto  huyo  alisema aliyekuwa  mwalimu  wake kabla  ya kuanza darasa la kwanza, yaani  mwalimu  Mhana  ndiyo  alimlazimisha  kufanya  mapenzi.

Huku   akibubujikwa   na  machozi, Mariba   alilalamika   kuwa   kitendo  cha askari Polisi  kuruhusu  dhamana  kwa mtuhumiwa huyo  kabla  ya kufikisha  suala  hilo mahakamani   kinaweza  kuhatarisha  maisha  ya mtoto  wake.

“  Jambo  jingine  ni  kwamba hadi  sasa  Madaktari   katika  Hospitali  ya Mkoa( Sekou-Toure) bado  hawajathibitisha  chochote   kwa maandishi  iwapo  mtoto  huyu  amebakwa  kweli  ama  la. Kila nikienda  ninambiwa  mara  Daktari Mkuu  hayupo   ama  yuko  bussy, kitendo  ambacho  kimesababisha  mwanangu   ashindwe kwenda  shule  kwa  zaidi ya majuma mawili sasa”  alisema.

Akizungumza   na  gazeti   hili nyumbani  kwake  jana( Machi  27), Mwenyekiti  wa  Serikali ya  Mtaa   wa Msumbiji, Cheneko   alisema  kitendo  kinachodaiwa kutendwa na mchungaji  huyo  kimezua  hofu  miongoni  mwa   wakazi  wa mtaa  huo.

“  Kwa   ujumla  taarifa  hizi  zimeleta  hofu, hasa   kwa wazazi  wa   wanafunzi  wanaosoma  katika  shule  hii  kwa sababu  inawezekana kabisa  kuwa wengi  wameshabakwa halafu  wakanyamaza. Tunaomba    wahusika   wafanye  uchunguzi  zaidi   dhidi  ya mwalimu  huyu  kwani  anaweza  kusababisha  uvunjifu wa   amani  hapa mtaani  kwetu  iwapo  mtuhumiwa  ataendelea  kutamba   kwamba  yeye  hakamatiki  wala hawezi   kufikishwa mahakamani“  alisema  Cheneko.

 Cheneko   aliendelea    kudai   kuwa baada  ya kufuatilia  amebaini  kwamba  kituo  kinachomilikiwa na mwalimu  huyo  hakina usajili  wowote.

Alisema  ameshatoa  taarifa   hizo  katika  ofisi ya  Mkaguzi  wa Elimu  wa  Manispaa   ya Ilemela  ili kubaini  iwapo  kituo  hicho  kimesajiliwa ama  la.

Hata  hivyo,  jitihada  za JAMHURI    kumpata  Mhana  ili  aweze   kuzungumzia   tuhuma  zinazomkabili  bado    hazifanikiwa kwa sababu  kituo  kimefungwa  tangu  juzi  na hata   simu  yake  ya mkononi  ( 0756 018 147)inaonesha  kuwa haipo  hewani.

“  Katika  kumbukumbu  zetu  hatuna  kituo    kinachomilikiwa na mwenye jina  unalolitaja. Tumeshaambiwa   na ndio  tunajiandaa  kwenda  huko  Msumbiji  kufanya  ukaguzi  katika  kituo  hicho”  alisema Mkaguzi Mkuu   wa Elimu   katika  Manispaa  ya Ilemela, Leah Athanas, wakati   alipoulizwa  n JAMHURI .

Kamanda   wa Polisi  mkoani  hapa, Valentino  Mlowola, alikiri   kuwepo   kwa taarifa  hizo  na kwamba  ofisi  yake  inaendelea  na uchunguzi.

Alisema   ni  haki  ya mtuhumiwa kupata  dhamana  na  atakamatwa  na kufikishwa  mahakamani  mara  uchunguzi   utakapokamilika.

Kumbukumbu  za Polisi(JAMHURI  limeziona)  zinaonesha  kuwa tukio  hilo  liliripotiwa  katika  kituo  cha Polisi  Kirumba siku  ya   Machi 19  mwaka huu  majira  ya saa 3:10 asubuhi( 09:10 hrs