Na Atley Kuni.
Katika kile kinacho onekana kuwa ni dhana ya uchapakazi, wataalamu
kutoka Sekretariti ya Mkoa wameanza kazi kwakwenda kutembelea Wilaya za
Mkoa huo nakufanya Tahthmini ya Shughuli, mbali mbali zinazo tekelezwa
na serikali katika halmashauri.
Kwamujibu wa taarifa iliyopatika kutoka kwa baadhi ya wataalamu
hao, ziara za kutembelea Miradi mbalimbali ya maendeleo ni pamoja na
kufanya thamini ya utendaji wa Halmashauri kwakuzingatia dhana ya
Utawalabora.
Timu inayo ongozwa na Mwl. Hamis Maulid ambayo ilipewa jukumu la
kwenda kufanya shughuli zake katika halmashauri ya Wilaya ya Kwimba kati
ya tarehe 17/12/2012 na tarehe 22/12/2012, wakiwa Wilyani humo
wataalamu hao walipata fursa yakutembelea miradi ya Ujenzi wa Bwawa
kwaajili ya kilimo cha Umwagiliaji la Mahiga ambalo hadi kukamilika
kwake linatarajiwa kugharimu kiasi cha Tshs Bilioni I.9 nakuona mwenendo
mzima wa ujenzi wa bwawa hilo.
Akitoa maelezo Mhandisi wa Maji bibi Magreth Kavalo alisema
ujenzi wa Bwawa hilo unatazamiwa kutoa, huduma ya Umwagiliaji wa
mashamba ya mpunga kwenye vijiji vipatavyo vitatu vya Ngudulugulu,
Mahiga na Mwang'halanga hadi kukamilika kwake.
Mara baada yakutembelea mradi huo mkubwa kabisa ambao unatekelezwa
chini ya Serikali ya awamu ya nne, wataalamu hao washauri walitembelea,
mradi wa maji wa Mwabaratuli, Mradi wa maji Isingisha, kukagua barabara
iliyojengwa kwa kiwango cha changarawe, mradi wa Uchakachaji wa Mazao ya
ngozi, nyumba za watumishi za daraja A,ujenzi wa Bweni la Waschana
katika shule ya Sekondari Bujiku Sakila, pamoja na Ukaguzi wa Ujenzi wa
Wodi ya kulaza wagonjwa katika hospitali ya Wilaya ya Ngudu ya daraja la
II.
Mbali ya ukaguzi wataalamu hao pia walipata fursa yakuzungumza na
wataalamu washauri katika, halmashauri hiyo kusikia changamoto zinazo
wakabili katika kufanikisha malengo yao ya utendaji kazi.
Desemba tarehe 03/12/2012, Kikao kilicho keti Ofisini kwa Katibu
Tawala wa Mkoa huo Bibi Doroth Mwanyika, Kikao hicho cha Menejimenti
cha Sekretarieti ya Mkoa wa Mwanza, kiliazimia kufatilia nakufanya
tathmini ya Utendaji kazi wa Shughuli za Serikali katika hamashauri za
Wilaya za Mkoa huo.
Kwamujibu wa
wa Sheria namba 19 ya Mwaka 1997, Sekretariti za Mikoa ndizo zenye
jukumu la Kusimamia na kuelekeza kitaalam Utendaji wa shughuli za
Halmashauri za Wilaya.
Mkoa wa Mwanza ni mmoja kati ya mikoa 25 iliyopo Tanzania bara na Mkoa pekee wenye kukua kwa
kasi kutokana na muingiliano wa shughuli za kibiashara, zinazo endeshwa
mkoani humo hasa ikizingatiwa umekuwa kitovu na lango la biashara kwa
nchi za Afrika Mashariki na kati.
Post A Comment: